இராமாயணம் - RAMAYANAM

இராமாயணம் வால்மீகி எனும் முனிவரால் இயற்றப்பட்ட மிகப் பழமை வாய்ந்த சமஸ்கிருத மொழியிலான இதிகாசமாகும். இது கிமு 400க்கும் கிபி 200க்கும் இடைப்பட்ட காலத்தில் இயற்றப்பட்டிருக்க கூடும் என கருதப்படுகிறது. இது இந்து சமய நூல்களுள் மிகவும் முக்கியமான நூலாக கருதப்படுகிறது. மூல நூலான வான்மீகி இராமாயணத்தை பின்பற்றி இந்திய மொழிகளிலும், பிற நாடுகளின் மொழிகளிலும் இராமாயணம் இயற்றப்பட்டுள்ளது. கம்பர் எனும் புலவர் இதனை தமிழில் எழுதினார். இதனை கம்பராமாயணம் என்றும் அழைப்பர். கோசல நாட்டின் தலைநகரமான அயோத்தியைச் சேர்ந்த ரகுவம்சத்தின் இளவரசரான ராமர், அவர் மனைவி சீதை ஆகியோரின் வாழ்க்கை வரலாற்றை விவரிக்கும் இந்த இதிகாசம் உறவுகளுக்கு இடையே ஆன கடமைகளை எடுத்துக்காட்டுகிறது.